Adviseur represintaasje en publike optredens fan de kommissaris fan de Kening (32 oeren)

De kommissaris fan de Kening siket nei in nije meiwurker dy't him advisearje en stypje kin by alle publike optredens en de kontakten mei it Keninklik Hûs. Hasto kennis fan represintaasje en protokol? Hâldst fan it organisearjen fan wurkbesites, ûntfangsten en eveneminten? Dan bisto de nije kollega dy't wy sykje.

Een functie met impact
In funksje mei betsjutting

Yn dizze bysûndere funksje bisto de skeakel tusken de kommissaris fan de Kening en de bedriuwen en ynstellingen dy't er besiket. Dat betsjut datsto in ferbiner bist en kontakt ûnderhâldst mei in grut ferskaat oan persoanen binnen en bûten Fryslân. Fan de bakker op'e hoeke oant de Tsjint Keninklik Hûs. As spin yn it web ûntsoargest de kommissaris fan de Kening en riedst de besites yn detail ta. Yn dizze funksje wurkest by de tarieding fan grutte projekten, eveneminten en de kontakten mei it Keninklik Hûs streekrjocht gear mei in kollega.

Do advisearrest hokker aktiviteiten oft deroan komme en op hokker wize de kommissaris fan de Kening hjirby oanslute kin. By wichtige mominten begelaatst de kommissaris fan de Kening, dêrta boust in profesjonele fertrouwensrelaasje op en hâldst dy yn stân. Ek tinkst foarút: hokker eveneminten komme deroan, hokker relaasjes kinne wy dêrfoar útnûgje en wa fertsjinje der dit jier ekstra omtinken? Mei kollega’s makkest in plan foar wurkbesites en aktiviteiten.

Het werk in de praktijk
It wurk yn de praktyk

Do makkest diel út fan it team Kabinet (13 kollega's) dat streekrjocht foar de kommissaris fan de Kening wurket en wêrfan't de kabinetssjef de liedingjaande is. It Kabinet is organisatoarysk ûnderbrocht by de ôfdieling Bestjoerssaken. Dyn wurkplak is it provinsjehûs yn Ljouwert.

Om ta goede advizen en besites en gearkomsten te kommen dy't goed taret binne, befoarderst de gearwurking mei de kollega’s fan it kabinet en belutsenen op en bûten it provinsjehûs. Do hast each foar de prioriteiten fan de kommissaris fan de Kening en do wist dizze goed oer te bringen nei oaren. Do bist in oansprekpunt foar fragen oer de rol fan kommissaris fan de Kening. Do ûnderhâldst kontakt mei represintaasjemeiwurkers fan û.o. gemeenten, ministearjes en it Keninklik Hûs. Do bist in skerpe adviseur mei in brede ynteresse en gefoel foar etikette.

Do bist ferantwurdlik foar de sichtberens fan'e kommissaris fan de Kening en de organisatoaryske tarieding fan alle represintative aktiviteiten. It giet ûnder oare om:

• Advisearring oer útnûgingen foar represintative aktiviteiten, protokol en etikette;
• Tarieding en wêr nedich begelieding fan wurkbesites, ûntfangsten en eveneminten;
• Stipe by offisjele besites troch it Keninklik Hûs en oare pommeranten;
• Tarieding fan (weromkommende) publike optredens (bygelyks de PC, fierljeppen, hynstedagen, Lauswolt Simmerkonsert, boargerdeputaasje Prinsjesdag);
• Klankboerd en tarieding fan rjochtlinen oer represintaasje mei omtinken foar maatskiplike ûntwikkelings en gefoelichheden.

Wie ben jij?
Wa bisto?

As kabinetsmeiwurker is in represintative en enerzjike útstrieling wichtich. By útstek bisto rjochte op gearwurking: in ferbiner dy't omgean kin mei tsjinstelde belangen. Do bist sosjaal sterk, kommunikatyf, ynteger en by steat om mei tiidsdruk om te gean. Dêrneist hast gefoel foar ferhâldingen, bist gastfrij en bestjoerlik sensityf. Do hast in stevige persoanlikheid, wurkest graach strukturearre en do bist boppe-al diskreet, op'e klant rjochte en sekuer.

Do komst te wurkjen yn in hecht team dêr't elkenien foarinoar klear stiet. Fleksibiliteit om, wannear nedich, ek bûten kantoartiden te wurkjen of kollega’s te helpen is winske.

Do hast/bist: 

• Minimaal in ôfrûne relevante hbû- of akademyske oplieding; 
• Wurkûnderfining as kommunikaasjeadviseur, eventmanager, bestjoersadviseur, kabinetsadviseur of in soartgelikense funksje;
• Affiniteit of ûnderfining mei represintaasje en protokol dan wol tarieding fan publike optredens of eveneminten;
• Aktive behearsking fan de Fryske taal (mûnling en skriftlik); 
• Yn it besit fan in jildich rydbewiis.

Wat bieden wij
Wat biede wy

• Salaris fan minimaal €3.644,44 en maksimaal €5.133,31 (skaal 10) bruto yn'e moanne, by in 36-oerige wurkwike, ôfhinklik fan ûnderfining en oplieding;
• In jierkontrakt foar 32 oeren en de mooglikheid ta ferlinging;
• Boppe-op dyn salaris krigest 22,37% yndividueel karbudzjet (YKB). Dit yndividueel karbudzjet kinst bygelyks ynsette foar ekstra ferlof, fytsplan, bedriuwsfitness, lidmaatskippen fan fakbûnen of brûke as ekstra sparpot;
• In soad omtinken foar persoanlike ûntwikkeling en in opliedingsbudzjet fan € 6.000;
• Poerbêste arbeidsbetingsten, wêrûnder pensjoenopbou fia pensjoenfûns ABP, kollektive fersekeringen en in laptop en telefoan;
• Folsleine fergoeding fan wen-wurkferkear foar fytsers en treinreizgers. Komst mei de auto? Dan hawwe wy in plakje foar dy reservearre yn de neistlizzende parkeargaraazje.

Reageren
Reagearje

Bisto entûsjast wurden oer dizze baan? Dan ûntfange wy graach dyn CV en motivaasje uterlik woansdei 9 april 2025. De sollisitaasjepetearen fiere wy op tongersdei 17 april en freed 18 april 2025. Hâld dêr alfêst rekken mei yn dyn aginda!

Sollisitearje

De beëage startdatum is 1 juny 2025.

Meer informatie
Mear ynformaasje

Asto noch fragen hast oer dizze baan, dan kinst kontakt opnimme mei Niels de Vries, kabinetssjef, fia 06 - 15 35 99 21 of mail nei nielsdevries@fryslan.frl. Hasto fragen oer de sollisitaasjeproseduere, nim dan kontakt op mei Danique Akkerman, HR-meiwurker, fia 06 - 29 73 85 37 of mail nei d.akkerman@fryslan.frl. 

In VOG is foar dizze funksje needsaaklik. Dy wurdt troch de provinsje Fryslân oanfrege en betelle.