Beslutelist Deputearre Steaten 7 jannewaris 2025
1. Sjenswize op winningsplan Ureterp-Marum-Opende Oost-Grootegast (UMOG)
De Nederlandse Aardolie Maatschappij (NAM) hat in aktualisearre gaswinningsplan UMOG yntsjinne by it Ministearje fan Klimaat en Griene Groei. It fjild UMOG is op dit stuit noch yn produksje. It aktualisearre gaswinningsplan foarsjocht yn in ferlinging fan de rintiid fan de produksje (fan 2024 oant en mei 2031). It totale produksjefolume feroaret net. Provinsje is fan betinken dat it ynstimmingsbeslút wegere wurde moat en tsjinnet dêr in sjenswize oer yn.