Oanbesteging busferfier 2021 -2034

Op 17 oktober 2023 hat de provinsje Fryslân bekend makke dat de konsesje foar it iepenbier busferfier yn Fryslân foar de perioade desimber 2024 - desimber 2034 ferliend is oan Qbuzz. Sawol Arriva en Qbuzz makken dêrnei beswier tsjin dit beslút fan Deputearre Steaten. De kommisje foar beswier- en beropskriften en klachten hat de beswieren fan beide partijen yn behanneling naam.

Advys fan de kommisje en beslút op it beswier 

De kommisje konkludearret dat de beoardieling fan de ynskriuwingen soarchfâldich ferrûn is en advisearret Deputearre Steaten om it beslút om de konsesje iepenbier busferfier oan Qbuzz te gunnen ûnferoare yn stân te litten. 

Deputearre Steaten hawwe it advys fan de kommisje oer de beide beswiersaken oernaam. Dat betsjut dat beide beswieren ûnbegrûne ferklearre binne en it beslút fan 17 oktober 2023 om de konsesje oan Qbuzz te ferlienen ûnferoare yn stân bliuwt.

Ymplemintaasje 

De provinsje is tegearre mei Qbuzz úteinset mei it ymplemintaasjetrajekt om derfoar te soargjen dat de nije buskonsesje op 15 desimber 2024 úteinsette kin. 

De kommende wiken presintearret Qbuzz har plannen oan Reizgersbelange-organisaasje Rocov Fryslân en gemeenten yn Fryslân. Dêrneist jout Qbuzz per gebiet in taljochting op harren plannen by de regiogearkomsten Fryslân wei. Dizze regiogearkomsten steane yn it ramt fan oanfollingen op it iepenbier ferfier. As ynwenner fan Fryslân binne jo hjir fan herte útnûge. Fia de ûndersteande link kinne jo jo oanmelde: Regiogearkomsten Fryslân ûnderweis

• Tiisdei 18 juny: Noardwest (gemeenten Ljouwert, Waadhoeke, Harns) - Het Parochiehuis - Dûbelestreek 12, Dronryp 
• Tongersdei 20 juny: Súdeast (gemeenten Hearrenfean en Weststellingwerf) - Doarpshûs Easterstreek – Easterstreek 76, Easterstreek 
• Tiisdei 2 july: Súdeast (gemeenten Eaststellingwerf, Opsterlân en Smellingerlân) - Doarpshûs De Buorskip – Vlaslaan 26, Beetstersweach 
• Tiisdei 3 septimber: Súdwest (gemeente de Fryske Marren) - Zalencentrum De Treemter – Bogermanstraat 3, Balk 
• Tiisdei 10 septimber: Noardeast (gemeenten Noardeast Fryslân, Dantumadiel, Achtkarspelen en Tytsjerksteradiel) - De Molkfabryk, Burgumerdaam 28, Burgum 
• Woansdei 18 septimber: Súdwest (gemeente Súdwest-Fryslân) - De Utherne – De Dassenboarch 25, Drylst