Oanpak fytspaden omjouwing Bakkefean: faze 2 giet oan
Fan ‘e simmer wurdt der wurke oan it ferbetterjen fan twa fytspaden yn ‘e omkriten fan Bakkefean en Wynjewâld. It giet om it fytspaad by Duursma’s dobbe (15 july oant 2 augustus) en de Beakendyk by De Slotpleats, fan de Duerswâldmerwei oant de Boskwei (19 augustus oant 27 septimber). Oannimmer Strukton Wegen & Beton út Grins sil it wurk útfiere. De paden wurde hjirfoar (foar in part) ôfsletten, fytsers en kuierders sille omlaad wurde mei buorden.