Persoanlik meiwurker fan de Kommissaris fan de Kening (24 oeren)

De kommissaris fan de Kening siket in nije persoanlik meiwurker mei frisse ideeën en in positive en leargjirrige ynstelling. Hasto in grut hert foar Fryslân? Sikest graach nei oplossingen en hast in brede ynteresse? Dan bisto de nije kollega dy't wy sykje.

Een functie met impact
In funksje mei betsjutting

As persoanlik meiwurker stipest de kommissaris fan de Kening by hast al syn wurksumheden. Dat betsjut datsto krekt as de kommissaris fan de Kening in ferbiner bist en mei in grut ferskaat oan minsken binnen en bûten Fryslân kontakt ûnderhâldst. As spin yn it web ûntsoargesto de kommissaris fan de Kening en do boust in profesjonele fertrouwensrelaasje op en hâldst dy yn stân. Dêrneist befoarderst de gearwurking op en bûten it provinsjehûs.

Spesjaal oan dizze funksje is datsto ek stipe biede silst oan it Kultuerfûns Fryslân wêrfan't de kommissaris fan de Kening foarsitter is. It Kultuerfûns is in partikulier fûns dat projekten en aktiviteiten stipet dy't keunst, kultuer en natuer lokaal befoarderje. Do silst de administrative tarieding en ôfhanneling fan oanfragen oppakke en do bist, tegearre mei in kollega, it earste oansprekpunt. Mei-inoar organisearje jimme de gearkomsten en priisútrikkingen foar it Kultuerfûns Fryslân.

Het werk in de praktijk
It wurk yn de praktyk

Do makkest diel út fan it team Kabinet (13 kollega's) dat streekrjocht foar de kommissaris fan de Kening wurket en wêrfan't de kabinetssjef de liedingjaande is. It Kabinet is organisatoarysk ûnderbrocht by de ôfdieling Bestjoerssaken. Dyn wurkplak is it provinsjehûs yn Ljouwert.

 Om de kommissaris fan de Kening goed te stypjen wurkest pro-aktyf en op oplossingen rjochte, do koördinearest ôfspraken en do hâldst de fuortgong fan'e tarieding fan ôfspraken en it op'e tiid oanleverjen fan gearkomstestikken yn'e gaten. Ek behannelest de ynkommende en útgeande berjochten. It ûnderhâlden fan kontakten op ferskate nivo's, yntern en ekstern stiet sintraal. Do bist in flugge tinker en doarst de kommissaris fan de Kening wêr nedich kritysk te advisearjen.

 Yn ‘e mande mei de oare persoanlik meiwurkers bist ferantwurdlik foar de sekretariële, administrative en organisatoaryske taken foar de kommissaris fan de Kening, wêrûnder: 

• Agindabehear en it ôfstimmen fan ôfspraken; 
• Beäntwurdzje dan wol útsette en opfolgje fan fragen; 
• Organisearje fan en stypje by gearkomsten en oerlizze; 
• Behannelje fan ynkommende en útgeande post en mail; 
• Sammeljen fan stikken ta tarieding op ôfspraken; 
• Behear fan de social media fan it Kultuerfûns Fryslân.

Wie ben jij?
Wa bisto?

As persoanlik meiwurker is in represintative en enerzjike útstrieling wichtich. Fanwegen dy stypjende rol by it Kultuerfûns Fryslân is affiniteit mei keunst, kultuer en natuer ek wichtich.

Do bist sosjaal sterk, kommunikatyf, ynteger en by steat om selsstannich te wurkjen en mei tiidsdruk om te gean. Dêrneist hast gefoel foar ferhâldingen, bist gastfrij en hast ynteresse yn de polityk-bestjoerlike wrâld. Plannen, prioritearje, organisearje en ymprovisearje binne kwaliteiten dy'tst yn besit hast en boppe-al bist diskreet, op'e klant rjochte en sekuer.

Do komst te wurkjen yn in hecht team dêr't elkenien foarinoar klear stiet. Fleksibiliteit om, wannear nedich, ek bûten kantoartiden te wurkjen of kollega’s te helpen is winske.

Do hast/bist:

• Minimaal in ôfrûne relevante mbû- of hbû-oplieding;
• Wurkûnderfining as direksje-/bestjoerssekretaresse of in soartgelikense stypjende funksje; 
• Aktive behearsking fan de Fryske taal (mûnling en skriftlik); 
• Wiidweidige kennis en ûnderfining mei Microsoft Office, Sharepoint en iBabs;

Wat bieden wij 
Wat biede wy 

• Salaris fan minimaal €2.970,49 en maksimaal €4.170,46 (skaal 8) bruto yn 'e moanne, by in 36-oerige wurkwike, ôfhinklik fan ûnderfining en oplieding;
• In jierkontrakt foar (yn earste ynstânsje) 24 oeren mei útsjoch op útwreiding fan it tal oeren en de mooglikheid ta ferlinging;
• Boppe-op dyn salaris krigest 22,37% yndividueel karbudzjet (YKB). Dit yndividueel karbudzjet kinst bygelyks ynsette foar ekstra ferlof, fytsplan, bedriuwsfitness, lidmaatskippen fan fakbûnen of brûke as ekstra sparpot;
• In soad omtinken foar persoanlike ûntwikkeling en in opliedingsbudzjet fan € 6.000;
• Poerbêste arbeidsbetingsten, wêrûnder pensjoenopbou fia pensjoenfûns ABP, kollektive fersekeringen en in laptop en telefoan;
• Folsleine fergoeding fan wen-wurkferkear foar fytsers en treinreizgers. Komst mei de auto? Dan hawwe wy in plakje foar dy reservearre yn de neistlizzende parkeargaraazje.

Reageren
Reagearje

Bisto entûsjast wurden oer dizze baan? Dan ûntfange wy graach dyn CV en motivaasje uterlik woansdei 9 april 2025. De sollisitaasjepetearen fiere wy op tongersdei 17 april en freed 18 april 2025. Hâld dêr alfêst rekken mei yn dyn aginda!

Sollisitearje

De beëage startdatum is 1 juny 2025.

Meer informatie
Mear ynformaasje

Asto noch fragen hast oer dizze baan, dan kinst kontakt opnimme mei Niels de Vries, kabinetssjef, fia 06 - 15 35 99 21 of mail nei nielsdevries@fryslan.frl. Hasto fragen oer de sollisitaasjeproseduere, nim dan kontakt op mei Danique Akkerman, HR-meiwurker, fia 06 - 29 73 85 37 of mail nei d.akkerman@fryslan.frl.  

In VOG is foar dizze funksje needsaaklik. Dy wurdt troch de provinsje Fryslân oanfrege en betelle.