Beslutelist Deputearre Steaten 1 april 2025
1. Tuskenbalâns Bestjoersakkoart Oparbeidzje foar Fryslân 2023-2027
De tuskenbalâns makket de balâns op fan de earste lytse twa jier fan dizze koälysje. It wie ien fan de resultaten dy't neamd binne yn it bestjoersakkoart om healwei de termyn te sjen hoefier't de útfiering foardere is. Us ynset op ynvestearjen yn inoar, lânbou en natuer, wenomjouwing, skjinne enerzjy, wurkgelegenheid en de maatskippij hat laat ta sichtbere en taastbere resultaten. De útfiering fan it bestjoersakkoart is goed op wei: likernôch twatredde fan de resultaten is of wurdt sa goed as wis behelle.
2. Subsydzje foar Biotoopverbetering Weidevogelgraslanden
It kolleezje fan Deputearre Steaten fan Fryslân hat besletten om in subsydzjeregeling beskikber te stellen om de libbensomstannichheden foar greidefûgels te ferbetterjen. DS hawwe hjirfoar in subsydzjeplafond fan €1.587.000,- fêststeld mei in iepenstelling fan 9 april oant en mei 3 juny 2025. Doel fan dizze subsydzjeregeling is om mei ienmalige ynvestearrings de greidefûgelbiotoop yn acht Aanvalsplan Grutto-gebieten te ferbetterjen. It giet dêrby om maatregels foar wieter wurden, it flau meitsjen fan talúds en it kreëarjen fan mear iepenheid.