Fryslân ûnderweis - subsydzje
It ferbetterjen fan de berikberens fan Fryslân. Dat is wat de provinsje wichtich fynt!
Dêrom hawwe wy yn 2024 seis kear de regio yn west om mei jo yn petear te gean. Yn dizze gearkomsten hawwe wy in koarte foarútblik jûn op it programma fan Fryslân ûnderweis, hawwe frijwilligers fan ferskate inisjativen mei in soad entûsjasme ferteld oer it hâlden en dragen fan it inisjatyf en presintearre Qbuzz de nije plannen de regio.
Mochten jo ynspirearre wêze troch dizze regiogearkomste en sels in goed idee hawwe foar in inisjatyf yn jo doarp of wyk, dan hearre wy dit graach. De provinsje Fryslân stelt yn de hjerst fan 2025 1 miljoen euro beskikber foar de earste tematyske iepenstelling fan Fryslân ûnderweis. Stiftings en ferienings kinne yn novimber 2025 in oanfraach dwaan by it Iepen Mienskipsfûns (IMF) foar in 90% subsydzje mei in maksimaal oan te freegjen bedrach fan 70.000 euro.
Foar it meitsjen fan it projektplan en it dwaan fan in oanfraach is stipe beskikber fia de provinsjale Streekkantoaren.
Dizze Streekkantoaren kinne jo fine yn De Gordyk, Snits, Harns (regio Waadeilannen), Frjentsjer en Burgum.
De eksakte spulregels en útgongspunten fan dizze iepenstelling folgje om de simmer fan 2025 hinne, mar by de tarieding fan jo projektplan kinne jo alfêst rekken hâlde mei de kritearia:
- Takomstbestindighied
- Draagflak en gearwurking
- Duorsumens