IMF Ferduorsumjen Mienskipsgebouwen

Iepen Mienskipsfûns 2024-2027 - Oparbeidzje mei de frijwilligers

Fia de subsydzjeregeling Ferduorsumjen Mienskipgebouwen fan it Iepen Mienskipsfûns (IMF) stelt de provinsje 2 miljoen euro beskikber foar ferduorsuming fan mienskipsgebouwen. It fûns wurdt twa kear iepensteld foar oanfragen, ien kear yn 2024 en ien kear yn 2025. Jo kinne in oanfraach yntsjinje fan 4 o / m 21 novimber 2024 ôf om 17.00 oere.

Iepen Mienskipsfûns 2024 - 2027 

Dêrneist stelt de provinsje in bedrach fan 8,5 miljoen euro beskikber foar leefberensprojekten yn Fryslân. It IMF bestiet út twa kategoryen: Lytse projekten (IMF Lyts) en Grutte projekten (IMF Grut). Dizze regeling sil yn 2025 yn maart/april en septimber/oktober wer iepensteld wurde. Op ús webside fine jo in aparte side mei ynformaasje oer dizze regeling.

IMF Ferduorsumjen Mienskipgebouwen 

Subsydzje wurdt allinnich jûn foar it útfieren fan minimaal twa ferskillende aktiviteiten dy't it enerzjyferbrûk fan in gebou ferminderje. Oanfragen kinne yntsjinne wurde troch stichtingen, ferieningen, koöperaasjes sûnder winsteachmerk, tsjerkegenoatskippen of Steatsboskbehear as se eigener binne fan besteand maatskiplik fêstgoed foar mienskiplik gebrûk sûnder winsteachmerk, of as se eigener binne fan dit maatskiplik fêstgoed troch rjocht fan opstâl. Ek kinne oanfragen yntsjinne wurde as de oanfreger rjocht fan erfpacht hat op besteand maatskiplik fêstgoed foar mienskiplik gebrûk sûnder winsteachmerk.

Oanfragen wurde beoardiele troch in ûnôfhinklike advyskommisje besteande út ynwenners fan de provinsje Fryslân. Hja bepale op basis fan beoardielingskritearia hokker projekten subsydzje krije út IMF Ferduorsumjen Mienskipsfûns gebouwen. De advyskommisje sjocht dêrby nei de neikommende kritearia: 

  • Ferduorsuming (0 -10 punten) 
  • Besparing totale jierlikse kosten (0 -5 punten) 
  • Mienskipsfûns wearde (0 -10 punten)
  •  Utfierberens (1 punt) 

Krekt lykas yn 2023 it gefal wie, wurde der ek no wer mear subsydzje-oanfragen ferwachte as der budzjet beskikber is. De beoardieling troch de advyskommisje bepaalt dan hokker projekten wol, en hokker projekten spitigernôch net foar subsydzje yn oanmerking komme.

Hichte fan it subsydzje 

Foar elk projekt kinne jo maksimaal 50% fan de projektkosten as subsydzje oanfreegje mei in maksimum fan € 35.000,-. De oare projektkosten sille jo dus sels, of fia oare fûnsen of oerheden (lykas it ISDE of de BOSA) finansierje moatte. Jo meie allinnich subsydzje oanfreegje foar it ferduorsumjen fan jo gebou(en) en bykommend ûnderhâld. Dit betsjut dat ferljochting fan in sportfjild of it pleatsen fan in sinnegreide net yn oanmerking komme.

Help en advys

By it streekkantoar yn jo regio kinne jo advys freegje by it opstellen fan jo projektplan en help freegje by it dwaan fan jo oanfraach:

  1. Belje of maile nei it streekkantoar yn jo omkriten. Dêr sitte tagediene adviseurs om jo te helpen. Ek kinne jo jo projektidee fia ûndersteande knop oanmelde en dan nimt ien fan ús adviseurs kontakt mei jo op.
  2. Belje of maile nei ús klantkontaktsintrum fan de provinsje.

Meld hier uw projectidee aan

Nei it oanmelden fan jo projektidee nimt ien fan ús projektadviseurs binnen in pear wurkdagen kontakt mei jo op om it idee mei jo te bepraten. Tink derom: mei it oanmelden fan jo projektidee freegje jo gjin subsydzje oan.

Subsydzje oanfreegje: hoe doch ik dat?

Jo kinne subsydzje oanfreegje fia it digitale oanfraachformulier. It digitale oanfraachformulier kinne jo hjirûnder iepenje.

Hat jo stichting, feriening of koöperaasje gjin eHerkenning? Dan kinne jo gebrûk meitsje fan it skriftlike oanfraachformulier. Jo kinne dit formulier ûnder ‘Te brûken dokuminten’ as PDF-bestân downloade, útprintsje en ynfolje. 

Wolle jo it skriftlike oanfraachformulier dochs leaver op'e kompjûter ynfolje? Stjoer dan in e-mail nei ús fia maatschappelijkvastgoed@fryslan.frl. Dan stjoere wy jo it skriftlike oanfraachformulier as Word-bestân ta.

Wat hawwe jo foar in folsleine oanfraach nedich:

  • eHerkenning 2+;
  • In projektplan;
  • In begrutting;
  • In machtigingsformulier as jo út namme fan immen oars in oanfraach dogge.

Dêrneist moat by in oanfraach eigendomynformaasje fan it Kadaster, de meast resinte jierfrekken fan jo enerzjyleveransier en de meast resinte jierrekken fan de oanfreger as bylage foege wurde.

Goed om te witten:

  • Jo kinne net mear as 50% subsydzje oanfreegje.
  • Jo moatte sels eigener wêze fan it maatskiplik fêstgoed, eigener te wêzen troch rjocht fan opstâl of rjocht te hawwen op it brûken fan it maatskiplik fêstgoed op grûn fan rjocht fan erfpacht.
  • Jo moatte op syn minst twa maatregels útfiere dy't it oan it gebou bûne enerzjyferbrûk ferminderje. 
  • Nei it ûntfangen fan subsydzje krije jo trije jier de tiid om jo projekt te realisearjen.

Projektekaart

Sykje jo foarbylden fan oare projekten, ynspiraasje foar jo eigen projekt of wolle jo jo eigen projekt pleatse? Klik dan op de ûndersteande knop.

Projekten yn byld

Te brûken dokuminten

Jo kinne dizze dokuminten delhelje en foar jo subsydzje-oanfraach brûke. Dizze foarbylden kinne jo ynfolle by jo oanfraach yntsjinje. Dat kin yn it oanfraachformulier by de taheakken.

Mear ynformaasje