Sân miljoen euro foar ynnovative projekten yn it Noarden
De Mkb-ynnovaasjestimulearring Regio en Topsectoren (MIT) stimulearret ynnovative mkb'ers út de trije noardlike provinsjes. Foar twa fan de subsydzjes út dit programma stelle de provinsjes Drinte, Fryslân en Grinslân tegearre mei it Ryk yn 2025 in totaalbedrach fan goed €7 miljoen beskikber: de MIT Haalbaarheid en de MIT R&D Gearwurking.
Fan tiisdei 8 april 2025 9.00 oere ôf is de earste subsydzje beskikber, de MIT Haalbaarheid. De MIT R&D Gearwurking folget dêrnei op tiisdei 10 juny 2025.
MIT-subsydzje foar mkb'ers yn it noarden mei in ynnovatyf projekt
Deputearre Friso Douwstra: “It is wichtich dat je je as ûndernimmer ûntwikkelje kinne en ynnovearje kinne. Mei dizze subsydzje kinst de helberens fan ynnovative ideeën ûndersykje. Ik wol de ûndernimmers yn Fryslân dan ek oproppe om gebrûk te meitsjen fan dizze subsydzjeregeling.”
Subsydzje foar it útfieren fan in helberheidsûndersyk
Mei de subsydzje MIT Haalbaarheid kinst as mkb'er stipe krije foar it útfieren fan in helberheidsûndersyk. Mei in helberheidsûndersyk bringst yn kaart of dyn ynnovative idee ekonomysk en technysk helber is, foardatst oan in ûntwikkelingsprojekt begjinst.
Je bepale op hokker fragen je in antwurd hawwe wolle. Dizze fragen besikest yn it helberheidsprojekt te beäntwurdzjen. Dêrmei krigest in oersjoch fan de sterke en swakke kanten, kânsen én risiko's fan dyn projekt. Op basis fan it helberheidsûndersyk nimst úteinlik in beslissing oftst echt oergiest ta de ûntwikkeling fan dyn ynnovative idee.
Mei dizze subsydzje kinne je oant 35% fan de kosten foar bygelyks materiaal, oeren en it ynskeakeljen fan in saakkundige fergoede krije. It maksimale subsydzjebedrach is €20.000,- foar elk projekt.
Subsydzje foar noardlike ûndernimmers dy't gearwurkje oan in ûndersyks- en ûntwikkelingsprojekt
De subsydzje MIT R & D Gearwurking is ynkoarten beskikber foar ûndernimmers dy't mei-inoar wurkje oan in ûndersyks - en ûntwikkelingsprojekt. Mei dizze subsydzje ûntwikkelje je mei-inoar in nij (prototype) produkt, tsjinst of proses dat ticht by de merk stiet. Der is subsydzje beskikber oant 35% fan de kosten foar ûnder oaren personiel, apparatuer en materiaal.
Lês it ferhaal fan Biogas Holland
Benijd watst mei dizze subsydzje dwaan kinst? Biogas Holland die mei help fan subsydzje in helberheidsûndersyk wat him rjochtet op wetterstof yn wettersuvering en yn enerzjyhubs.
Wat ast in ekspert bist yn dyn fakgebiet en ûntdekst in technology dy't dyn wurk nóch better makket? Dat is krekt wat Biogas Holland ûnderfûn doe't se de potinsje fan wetterstof ûntdutsen. “Fanwege de grutte gelikenissen mei biogas”, sa seit projektlieder Jelmer Rijpkema. “Allinnich in trochbraak yn ús sektor, dêr ûntbrekt it noch oan.” En dus wol it bedriuw de teory rûn wetterstof yn praktyk bringe. Erik Tingen, algemien direkteur: “We gean foar mear as abstrakte plannen en Excel-sheets. Earst ûndersykje en dan konkreet oan de slach foar de enerzjytransysje. Net allinne, mar mei elkenien dy't oanheakje wol.”
In grut netwurk dêr’t kennisdieling sintraal stiet, is al oanwêzich. Erik: “Wy ûndersykje wat der mooglik is. Hoe stiet de merk derfoar? Wa hat ynteresse? Want wat foar wetterskippen jildt, kinne wy ek tapasse yn oare yndustryen, gemeenten en provinsjes. Wy sykje kontakt mei leveransiers en klanten, sjogge hokker produkten der al binne, hokker kennis partijen diele kinne en hokker behoefte der no of yn de takomst is.”