Subsydzjeregeling Funderingsûndersyk Frysk Feangreidegebiet

De subsydzje is foar eigener-bewenners fan wenningen en VvE’s yn it Feangreidegebiet mei mooglike fundearringsproblemen en ûndersyk útfiere litte oan de fundearring. Fia dizze postkoadechecker kinne jo kontrolearje oft jo yn it oanmerkjende gebiet wenje. De wenning moat boud wêze mei in boufergunning fan 1972 of earder. Dit kinne jo fia it kadaster kontrolearje.

De subsydzje kin oanfrege wurde fan 12 jannewaris 2024 ôf oant de subsydzjepot leech is of oant 31 desimber 2024. Yn 2024 is der in subsydzjeplafond fan € 660.000.

Ynformaasje oer de subsydzjeregeling

De subsydzjeregeling is bedoeld foar eigenaar-bewenners fan wenningen en VvE’s as temjittekomming yn de kosten foar it útfieren fan fundearringsûndersyk. It ûndersyk mei noch net plakfûn hawwe.

Let op: it fundearringsûndersyk moat útfierd wurde troch in buro op de KCAF erkenninglist.

It fundearringsûndersyk en it ûndersyksrapport moatte útfierd wurde neffens de KCAF-rjochtlinen. It ûndersyksrapport befettet in yntegrale beoardieling fan de fundearringskonstruksje neffens kêst 3.3 fan de KCAF-rjochtlinen.

Subsydzjebedrach

De subsydzje fergoedet 80% fan de makke kosten foar it útfieren fan fundearringsûndersyk, mei in maksimum fan € 4000 de wenning. Kinne jo oantoane dat jo yn 'e beneaming komme foar frijskatting fan gemeentlike/wetterskip belestingen? Dan bedraacht de subsydzje 100% fan de makke kosten, mei in maksimum fan € 7500.

Yntsjinjen oanfraach

By it ynfoljen fan jo oanfraach hawwe jo yn alle gefallen it neikommende dokumint nedich:

  • In troch in erkend ûndersyksburo tekene offerte fan 'e wenning

Yn de regeling lêze jo hokker dokuminten jo ek meistjoere moatte.

Wêre?

Jo kinne subsydzje oanfreegje troch gebrûk te meitsjen fan it oanfraachformulier eigenaar-bewenners fan wenten of it oanfraachformulier VvE.

It is belangryk om it oanfraachformulier folslein yn te foljen en alle bylagen dy't nedich binne ta te foegjen. Dogge jo dat net, dan rinne jo mooglik subsydzje mis.

Jo kinne it formulier ynfolje op de kompjûter. Jo hawwe dêrfoar it programma Acrobat Reader DC nedich. It bestân kin net yn de browser Edge of mei Word ynfolle wurde. Foar it ynfoljen fan it formulier mei Acrobat Reader DC folgje jo ûndersteande stappen:

  1. Iepenje it oanfraachformulier yn it programma Acrobat Reader DC
  2. Klik op ‘Ynfollen en ûndertekenje’
  3. Folje de antwurden yn
  4. Print it formulier
  5. Underteken it frmulier
  6. Soargje derfoar dat alle belange bylagen ek útprinte wurde.

Stjoer it ûndertekene formulier mei de bylagen oer de post op nei de provinsje of leverje it yn by de baalje fan it provinsjehûs.

Mear ynformaasje

Foar fragen kinne jo kontakt opnimme mei ús Klantekontaktsintrum fia telefoannûmer 058 - 292 59 25 of fia de mail mei provincie@fryslan.frl. Foar fragen oer fundearringsûndersyk kinne jo terjochte by ús fundearringsloket fan it KCAF fia telefoannûmer 085 – 303 62 86 of fia de email mei feangreidefryslan@kcaf.nl

Dokuminten

Tink derom: meikoarten kinne jo jo oanfraach foar dizze regeling digitaal yntsjinje. Dêrfoar hat jo DigiD (as partikulier) of eHerkenning (as ûndernimming) nedich. 

Sjoch hjir foar mear ynformaasje.

Neidat jo mei DigiD of eHerkenning ynlogd binne, kinne jo jo oanfraach tuskentiids opslaan en letter (binnen 5 dagen) opnij iepenje.