Subsydzjeregeling Musea Fryslân 2026-2028

Wêr kin ik de regeling fine? 

De regeling kinne jo fine yn it provinsjaal blêd.

Wa kin subsydzje oanfreegje? 

Rjochtspersoanen/eksploitanten fan musea sûnder winstdoel, fêstige yn de provinsje Fryslân, dy’t registrearre stean yn it Museumregister Nederlân. Der kin it museum ién kear museum subsydzje oanfrege wurde yn it ramt fan dizze regeling.

Hichte fan de subsydzje 

It subsydzjeplafond foar it jaan fan subsydzjes yn it ramt fan dizze regeling bedraacht foar de perioade 2020-2028 € 5.151.600. It heechste subsydzjebedrach dat ferliend wurde kin oan in museum foar de hiele perioade 2020-2028 is € 2.451.000. It leechst te ferlienen subsydzjebedrach bedraacht foar de hiele perioade 2022-2028 € 150.000 de oanfraach. Musea dy't yn de perioade 2021-2025 mearjierrige subsydzje krigen hawwe fan de provinsje Fryslân, meie op jierbasis net mear oanfreegje as 110% fan it subsydzjebedrach dat sy yn 2025 ûntfongen hawwe op grûn fan de subsydzjeregeling Musea en Keunstynfrastruktuer Fryslân. 

Oanfragen kinne yntsjinne wurde fan 20 jannewaris 2025 oant en mei 28 febrewaris 2025 17.00 oere.

Hoe freegje ik subsydzje oan? 

Jo kinne subsydzje oanfreegje fia it digitale oanfraachformulier. Disse fine jo hjirûnder. Jo hawwe eHerkenning 2 + nedich om dat formulier yn te foljen. Mear ynformaasje oer eHerkenning en it oanfreegjen dêrfan fine jo op www.fryslan.frl/eherkenning. 

Oanfraachformulier

Wat hawwe jo nedich foar in folsleine oanfraach?

In folslein ynfolle en ûndertekene oanfraachformulier mei de folgjende ferplichte taheakken:

• Mearjierreplan 2021-2028 fan op syn meast tritich siden mei op syn minst lettergrutte 10 en regelôfstân 1,0, op A 4 formaat, ynklusyf eventuele ôfbyldings; 
• Underdiel fan it mearjierreplan is in taljochting op it tapassen fan de Governance Code Cultuur, de Fair Practice code en de Code Diversity en Inclusie.
• Begrutting 2021-2028 yn oerienstimming mei de dêrfoar ta beskikking stelde opset (útsplitst yn in organisaasjebegrutting, aktiviteitebegrutting en formaasjeberekkening en - tarekkening);
• Finansjele ferslachlizzing oer 2022 en 2023.

Oanfragen dy't net folslein binne, wurde net yn behanneling nommen.

Begruttingsmodel

Yn de regeling stiet dat foar it yntsjinjen fan de mearjierrebegrutting in standertformat fan de provinsje brûkt wurde moat. Op dizze wize krije wy alle nedige ynformaasje fan jo yn ien kear goed oanlevere. It begruttingsformat kinne jo hjir delhelje mei dêrby in taljochting op it format: Taljochting format. 

It format kinne jo downloade, ynfolje en dêrnei uploade yn it digitale oanfraachformulier.

Beoardieling troch advyskommisje 

Oanfragen dy't oan alle formele easken foldogge wurde beoardiele troch de advyskommisje Musea. Dy ûnôfhinklike advyskommisje advisearret Deputearre Steaten oer de oardering en subsydzjehichte. Sy dogge dat mei in motivearre beoardieling op basis fan de beoardielingskritearia:

• Kwaliteit fan de publyksaktiviteiten; 
• Kwaliteit fan de aktiviteiten foar behâld en behear; 
• Maatskiplike wearde; 
• Tagonklikens; 
• Bedriuwsmjittige sûnens.

Jo kinne op syn heechst 10 punten it beoardielingskritearium helje.

De útwurking fan it beoardielingskader fine jo yn de taljochting by de regeling, sjoch provinsjaal blêd.

Fragen 

Hawwe jo noch fragen oer de regeling, dan kinne jo kontakt opnimme mei de provinsje Fryslân, tillefoannûmer 058 - 292 59 25 of fia de mail provincie@fryslan.frl.