Ynterprovinsjaal Wolvenplan
De weromkear fan de wolf liedt ta wittenskiplike, juridyske en maatskiplike fragen. It wichtichste ramt is it Interprovinciaal Wolvenplan. Yn april is yn IPO-ferbân in taheakke fêststeld op it plan. Op dit stuit wurdt der wurke oan in aktualisearre ferzje fan it plan. De boustiennen dêrfan binne twa rapporten dy 't op 6 oktober 2021 publisearre binne.
- Factfinding study ‘De wolf terug in Nederland’
Dizze stúdzje jout detaillearre antwurd op fragen dy 't yn de maatskippij libje oer de wolf, lykas: wêr komme de wolven yn Nederlân oarspronklik wei? Wêr yn Nederlân kinne wolven duorsum libje? Wat binne de mooglike maatskiplike gefolgen?
- Juridische analyse ‘De juridische bescherming van de wolf in Nederland en in een aantal andere Europese landen’
- De analyze jout dúdlikens oer de juridyske status fan de wolf yn Nederlân. Ek jout it rapport antwurd op ferskate juridyske fragen dy 't spylje yn de maatskippij.
Noardlike reaksje IPO wolvenplan
It konsept fan it nije Interprovinciaal wolvenplan is as reaksje by de ferskate belanghawwenden oanbean. Yn dat ramt hawwe de fertsjintwurdigers yn de noardlike gebietskommisjes Fryslân en Drinte en stakeholders út Grinslân in mienskiplik advys formulearre. De klam fan de wolvekommisjes leit op in skeaprevinsjebelied dat woartele is yn de praktyk, mei as útgongspunt dat de behearskosten fan wolfkearende rasters en de kosten as gefolch fan direkte én yndirekte skea fergoede wurde.