Beskriuwing en fersprieding fan jabikskrúswoartel
Jakobskrûd is in twajierrige plant dy 't maksimaal ûngefear ien meter grut wurdt. Yn it earste jier groeie de rosetten. Jakobskrûd bloeit meastentiids yn it twadde jier (juny oant oktober) mei giele blommen. Nei it foarmjen fan sied stjert de plant. It sied kin dêrnei noch jierren aktyf bliuwe yn de grûn, klear om út te groeien yn in nije plant.
Benammen op plakken dêr 't in fersteuring fan de boaiem west hat, kin jakobskrûd goed groeie. Bygelyks dêr 't de seadde skansearre is troch rûch meanen, fertrapping, mollebulten of yntinsive bewezing troch fee. It krûd hat de foarkar foar sânige, ûnbemeste en losse, iepen grûn.
Fersprieding
Jabikskrúswoartel komt ferspraat troch Nederlân foar. Sûnt 1950 is de fersprieding fan de soart tanaam, lit it Basisrapport foar Rode Lijst vaatplanten 2012 sjen. Dat is ek te lêzen yn dit berjocht. Neffens mjitgegevens fan de Nasjonale Databank Flora en Fauna is de ôfrûne tsien jier gjin sprake mear fan in taname fan de fersprieding.
Net eltse gielbloeiende plant is jakobskrûd en kin in risiko foarmje foar fee. Ferskate planten lykje der bot op, mar befetsje net de giftige stof (pyrrolizidine alkaloïden ). Foarbylden binne sint-janskrûd, wjirmkrûd en grutte kêdeblom.
