Eftergrûnynformaasje oer subsydzjes

Nije Algemiene Subsydzjeoardering 

Ynformaasje oer feroarings by it oanfreegjen fan subsydzjes 

Sûnt 1 july 2024 is der in nije Algemiene Subsydzjeoardering foar de provinsje Fryslân. Dêr heart in útfieringsregeling by dy't beskriuwt hoe't wy ynfolling jouwe oan dy subsydzjeferoardering. Yn ferliking mei de foarige subsydzjeferoardering binne der in tal feroaringen. Hjirûnder lêze jo hokker wichtige feroaringen oft der foar jo jilde as oanfreger fan in subsydzje. Der binne mear feroaringen, dy lêze jo werom yn de subsydzjeferoardering en útfieringsregeling.

Feroaringen

Jo fine mear eftergrûnynformaasje oer ûndersteande wizigingen yn de Algemiene Subsydzjeoardering en de útfieringsregeling. Foar elke wiziging stiet oanjûn yn hokker artikel jo mear ynformaasje fine.

• Unspesifisearre en ûnfoarsjoene kosten binne net langer subsidiabel. 
  Dat betsjut dat alle kosten yn de begrutting spesifisearre wurde moatte. Lês mear yn Art. 2.4, lid 1, sub e fan de útfieringsregeling
• Yn-bern-kosten binne net subsidiabel. 
  Foarhinne wie net dúdlik omskreaun oft yn-bernekosten subsidiabel wiene (in bydrage yn de foarm fan guod of tsjinsten), yn de nije oardering stiet dat dy net subsidiabel binne. Lês mear yn Art. 2.4, lid 1, sub fan de útfieringsregeling
• Kosten dêr't al ferplichtingen foar oangien binne foardat de subsydzje-oanfraach ûntfongen is, komme no ek foar subsydzje yn oanmerking. 
  Dat betsjut dat – foarútrinnend op de subsydzje-oanfraach – de ynstelling al ferplichtingen oangean mei foar de subsidiabele aktiviteit. De kosten dy't dêrút fuortkomme, binne subsidiabel sa lang de ferplichtingen wol bydrage oan de aktiviteit. Foarhinne wiene dizze kosten net- subsidiabel.
• Der jildt in maksimum bedrach yn'e oere foar de leankosten dy't jo opfiere kinne. 
  In organisaasje dy't subsydzje freget foar leankosten, moat oantoane kinne hoe heech it werklike brutoloan is - ynklusyf wurkferslaasten - en watfoar tsjinstferbân de oanbelangjende wurknimmer hat. It subsidiabele oertaryf foar leankosten is maksimaal € 100,- dêr't by útgien wurdt fan 1650 wurkbere oeren yn it jier by in folsleine tsjinstferbân. Dêr mei noch in overhead fan 20% by op rekkene wurde. Yn totaal is it maksimale oertaryf, ynklusyf overhead, dan € 120, -. It opfierde oeretaryf yn in begrutting mei wol heger lizze, mar wy subsidiearje maksimaal € 120, - dêrfan. Foarhinne wie dêr gjin maksimum oan ferbûn. Lês mear yn Art. 2.5 fan de útfieringsregeling
• Der jildt in maksimum bedrach yn 'e oere foar de kosten fan eigen oeren. 
  It subsydzje foar eigen arbeid is maksimaal € 50, - yn'e oere. Foarhinne wie dêr gjin maksimum oan ferbûn. Lês mear yn Art. 2.6 fan de útfieringsregeling
• Der jildt in maksimum bedrach yn 'e oere foar it ynskeakeljen fan eksterne tredden. 
  De subsydzje foar it ynskeakeljen fan in eksterne tredde (bygelyks in adviseur) mei net heger wêze as in fêst maksimum oertaryf. Dat taryf wurdt berekkene op basis fan de Wet normering topynkommens It oertaryf wurdt bepaald troch it dêryn neamde normbedrach foar it oanbelangjende kalinderjier te dielen troch 1650 oeren. Foar 2025 betsjut dit in maksimaal subsidiabel oertaryf fan € 149. Foarhinne wie dêr gjin maksimum oan ferbûn.
  
  Der is in útsûndering op dizze regel. As in eksterne partij ynskeakele wurdt om oan in spesifike ferplichting te foldwaan dy't Deputearre Steaten by it takennen fan de subsydzje oplein hawwe, jildt it maksimumtaryf net. In foarbyld dêrfan is it ynskeakeljen fan in akkountant om in akkountantsferklearring ôf te jaan, wat soms ferplichte is om in subsydzje te ferantwurdzjen. Lês mear yn Art. 2.7, lid 2 fan de útfieringsregeling.
• De subsydzje foar frijwilligersoeren giet omheech. 
  Foarhinne wie it subsydzje foar frijwilligersoeren sa’n € 13, - yn'e oere. Dy giet nei € 22, - yn'e oere. Betingst is dat dizze kosten echt makke en útbetelle wurde. Lês mear yn Art. 2.8 fan de útfieringsregeling
• In nije wize fan werklike kosten en opbringsten berekkenje. 
  Der is in nije berekkeningswize foar it ôfrekkenjen op basis fan werklike kosten en opbringsten. Oars as foarhinne is foar de oanfreger no altyd yn't foar dúdlik hoe't oan de ein fan it projekt fêststeld en ôfrekkene wurdt. Lês mear yn Art. 3.3 fan de útfieringsregeling
• Der is in kontrôleprotokol. 
  Der is in ferplichte kontrôleprotokol dêr't accountants harren oan hâlde moatte. Dit wie foarhinne net it gefal. Lês mear yn Art. 3.2 fan de útfieringsregeling

Spesifyk foar boekjiersubsydzjes 

Understeande trije wizigingen jilde allinnich foar boekjiersubsydzjes. Mei it ynfieren fan de nije Algemiene Subsydzjeoardering en útfieringsregeling is de ôfdieling 4.2.8. fan de Algemiene wet bestjoersrjocht fan tapassing. Dat wie foarhinne net sa. Lês dêr mear oer yn Art. 2.1 fan de útfieringsregeling

• De uterlike yntsjinningsdatum foar boekjiersubsydzjes giet nei 1 oktober. Foarhinne moast de oanfraach foar in boekjiersubsydzje uterlik 1 septimber binnen wêze by de provinsje. Dit wurdt no 1 oktober foarôfgeand oan it boekjier dêr't jo in oanfraach foar dogge. Jo meie oanfragen ek nei 1 oktober yntsjinje, mar dan is der gjin wissichheid dat de subsydzje foar it begjin fan it boekjier ferliend is. Lês mear yn Art. 2.1, lid 2 fan de útfieringsregeling
• It bestimmingsfûns komt te ferfallen. It is net mear mooglik om in bestimmingsfûns oan te freegjen. Foarhinne wie it mooglik om foar oerbleaune jild út in boekjier in bestimmingsfûns oan te freegjen. De organisaasje mocht it jild dan hâlde en besteegje oan it doel fan it bestimmingsfûns. Dizze opsje ferfalt.
• Boekjiersubsydzje wurdt yn it jier fêststeld. Foarhinne koene boekjiersubsydzjes foar meardere jierren ferliend wurde en nei ôfrin fan in tiidrek fêststeld. Boekjiersubsydzjes kinne no noch hieltyd foar meardere jierren ferliend wurde, mar it fêststellen bart no alle jierren. Oft it ek echt mooglik is in boekjiersubsydzje foar meardere jierren te ferlienen, is foar beoardieling oan de provinsje. Dat hinget ûnder oare ôf fan de oanlevere dokuminten. Lês mear yn Art. 2.1, lid 2 fan de útfieringsregeling

Fia dizze wei wolle wy ek graach noch ruilje op jo meldingsplicht. As der tsjeagingen binne oangeande de yntsjinne oanfraach, meld dat dan hieltyd mear biatons. Jo kinne hjir lykwols oan tinke dat jo yn de útfiering fan jo aktiviteiten of yn de proktperioade útfierd wurde.

Mear ynformaasje 

Mear ynformaasje oer subsydzje oanfreegje by de provinsje Fryslân fine jo op www.fryslan.frl/subsydzjes. 

Hawwe jo fragen? 

Nim dan kontakt op mei jo fêste kontaktpersoan of mei de ôfdieling Subsydzjesaken fia subsidies@fryslan.frl