N358 Skieding

Njonken dizze ovondes en paralleldiken wurde op'e hichte fan Poelbuert de bochten yn de dyk weinaam troch der in lange bocht fan te meitsjen. It bedriuweterrein Lauwerskwartier wurdt mei in twadde ûntsluting oansletten op de N358 fia de oan te lizzen ovonde ter hichte fan Wildveld-Heidelaan.  

Op 'e hichte fan de Parksterdwarswei en it tankstasjon komme linksôffekken sadat it ôfslaande ferkear op in aparte rydstrook foarsortearje kinne. Ek de fytspaden wurde oanpakt. Op 'e hichte fan Wildveld wurdt de rydbaan ferpleatst sadat der oan eastkant op de âlde rydbaan in paralleldyk oanlein wurde kin om in part fan de dêr oanwêzige wenerven ûntslute te kinnen nei de ovonde dêr.

Al yn 2010 wie der sprake fan ûnfeilige ferkearssituaasjes op de N 358. Dit hat resultearre yn in planûndersyk mei de fraach oft de dyk yn besteande situaasje oanpakt wurde moat of dat der in gehiel of foar in part nij trasee komme moast. Dat proses hat in soad tiid koste. Uteinlik is sa'n 10 jier lyn de kar makke om it besteande trasee op te wurdearjen. Dat betsjutte oankeap grûnen, bestimmingen oanpasse, fergunningen regelje, kabels en liedingen ferlizze litte, ensfh. al mei al hat dat laat nei wêr't wy no steane: startútfiering wurkje.

De wurksumheden begjinne yn 2025 en binne nei ferwachting yn 2026 klear.

Provinsje Fryslân en de gemeenten Smellingerlân, Achtkarspelen en Westerkwartier wurkje nau gear om dizze oanpak mooglik te meitsjen. De provinsje treedt op as lûker fan it hiele projekt.

Earste boufaze 2019: 

• Oanlis betonstroken, nij asfalt en belijning op de weifakken dêr't gjin grûnen foar hoegden oankocht te wurden en bestimmingen foar hoegden wizige te wurden. 

Twadde boufaze 2025 en 2026: 

• Skieding Súd - wurksumheden oan it diel fan de oan te lizzen ovonde (ta hichte fan hjoeddeiske rotonde) by de krusing fan de Folgersterloane en de Drachtsterwei oant it carpoolterrein by de oansluting op de A 7 is it earste part wat oanpakt wurdt. By dit wurk wurdt ek de rotonde yn Surhústerfean fernijd by de Piramide. 
• Skieding Noard - wurk oan it diel fan de oan te lizzen ovonde (ta hichte fan hjoeddeiske rotonde) by de krusing fan de Folgersterloane en de Drachtsterwei oant de ôfslach Topweer.

Troch de oanlis fan ovondes kinne fytsers yn de takomst de dyk yn twa dielen oerstekke. Dit makket it oersichtliker en feiliger. Boppedat is de snelheid út it autoferkear en wurdt alerens fan de bestjoerder ferge.

Yn it foar oan de bou fan de ovondes binne ûndersiken dien nei it netwurk fan kabels en liedingen dat ûnder de bouplakken leit. Wat moat der wol en net ferlein wurde? 

De netbehearders hawwe it netwurk oan de nije situaasje oanpast foar sawol Skieding Noord as Skieding Zuid. Jo hawwe fêst sjoen dat dêr bygelyks de bermsleat dêrfoar diels tichtsmiten is en syn beammen kapt om romte te meitsjen foar dizze wurksumheden.

De oannimmer kapte de beammen om it wurk útfiere te kinnen. Foar dizze kapte beammen plantet Provinsje Fryslân nei't de wurksumheden klear binne nije beammen werom.

Kappen fan beammen start tariedende wurksumheden Uterwei en Skieding Súd N358 

Fan tiisdei 11 febrewaris oant en mei 1 maart wurde der tariedende wurksumheden útfierd by de provinsjale dyk N358 del. It giet om it kappen fan 201 beammen en 1069 meter houtsingels. It bedriuw Kloosterman & Sietzema fan Surhuzum fiert dizze wurksumheden út yn opdracht fan BAM Infra Regionaal (BAM). 

De tariedende wurksumheden starte nije wike fan ôfslach It Oast ôf en geane rjochting de rotonde A7, dus fan de Uterwei ôf rjochting de Skieding Súd mei in totale lingte fan sa'n seis kilometer. Yn de earste wike wurdt der fanút de greiden wurke en yn de twadde en tredde wike binne der wurksumheden fan de provinsjale dyk ôf. 

Der wurdt safolle mooglik fanút de greiden wurke om de ferkearshinder te beheinen. Foar de wurksumheden fan de provinsjale dyk ôf wurdt in ridende ôfsetting brûkt mei stipe fan ferkearsregelers. Oan de omjouwing wurdt frege om foar jo en ús feilichheid altyd de oanwizingen fan ús kollega’s op te folgjen. 

De beammen wurde kapt mei in kettingseage mei help fan in mobile kraan, dit om de wurksumheden feilich út te fieren. Dêrnei wurde de beammen yn stikken seage, de tûken fersnippere en wurdt it stamhout ôffierd. Al it hout wurdt op'e nij brûkt. As de wurksumheden klear binne wurde yn de regio yn it plantseizoen nije beammen oanplante ta kompensaasje fan de kapte beammen.

De wurksumheden binne nedich foar in rige langferwachte fernijingen oan de provinsjale dyk yn opdracht fan de provinsje Fryslân. BAM fiert dit wurk foar de provinsje út en sil yn april hjirmei úteinsette. 

De fernijingen bestean út de oanlis fan nije wettergongen, paralleldiken, in ovonde, in fytstunnel en de oanpassing fan trije ôfslaggen oan de N358 Uterwei en út de oanlis fan nije wettergongen, paralleldiken, twa nije ovondes en de oanpassing fan twa ôfslaggen oan de N358 Skieding Zuid.

Yn de nije situaasje komt der krekt as no ek al it gefal is gjin ferljochting lâns it fytspaad. Dit komt allinnich op dy plakken dêr't dat fanwege feiligens nedich is, lykas bygelyks by in fytsoerstek of op 'e hichte fan in oansluting fan in sydwei. De provinsje fynt it tsjuster wichtich dêr't it kin om't ljochtfersmoarging en ljochthinder foar bisten, lykas de flearmûs, ûnwinsklik is. Troch de dúdlike, heldere wite belijning op de fytspaden is it paad yn it tsjuster mei fytsferljochting dúdlik genôch te sjen. Lâns de rydbaan allinnich op'e hichte fan de ovondes komt wol ferljochting lâns de rydbaan te stean.

De wurksumheden wurde útfierd troch BAM Infra BV. Dit bedriuw sil de nedige ynformaasje jaan oer wannear't wêr't wat stiet te gebeuren en wat dat betsjutte kin foar de omjouwing, bedriuwen, agrariërs, skoallen, ensfh.

It wurk oan Skieding Zuid wie oanbestege. Oan de hân fan in pakket fan easken koene oannimmers harren plan yntsjinje. De oannimmer mei it meast geunstige plan kwa útfiering, kwaliteit en effisjinsje kriget de opdracht gund. BAM hat it meast passende foarstel dien en fiert it wurk út. De opdracht foar it útfieren fan Skieding Noord rint noch. Midden 2025 is hjir nei ferwachting mear ynformaasje oer.

Wy ûntkomme der net oan dat by dit wurk it ferkear omlaat wurde moat. Dizze perioaden wurde op'e tiid bekend makke yn kranten en op social media. De alternative rûte stiet dêrby op in plattegrûn oanjûn en wurdt mei omliedingsbuorden dúdlik oanjûn. Ek jouwe ferkears - en omliedingsbuorden op it plak fan it ûngelok op'e tiid de omliedingen oan. As it nedich is foar de feiligens binne der ferkearsregelers oanwêzich.

Nauwe gearwurking mei de netwurkbehearders moat safolle mooglik hinder foarkomme by it wurk. De ferantwurdlikheid foar de kommunikaasje hjiroer leit by de nutsbedriuwen. As der steuringen of mominten fan útfal binne, ynformearje de nutsbedriuwen de belutsenen dêr op'e tiid oer.