Natuerbehearsubsydzje

Op ’e kaart kinne jo neigean oft jo fan 2022 ôf yn ’e beneaming komme foar natuersubsydzje. Op ’e kaart wurdt it subsidiabele natuerlân werjûn.

As jo lân yn ’e beneaming komt foar subsydzje, wolle wy jo freegje om ’e neikommende stappen te nimmen:

1. Oanmelden natuerkolleltyf
2. Sertifisearje foar natuerbehear
3. Natuerbeheartype en ambysjetype kontrolearjen

Oanmelde natuerkollektyf

Om foar subsydzje yn ’e beneaming te kommen, moatte jo oansletten wêze by in natuerkollektyf. Dat is in gearwurkingsferbân fan partikuliere natuerbehearders. It natuerkollektyf:

• is foar de provinsje it oansprekpunt yn natuerbehear;
• tsjinnet foar al syn leden in oanfraach yn foar behearsubsydzje;
• krijt de beskikking fan dy oanfraach en it behearjild;
• betellet de subsydzjes dy’t ynbard binne út oan syn leden;
• hâldt de natuerkwaliteit yn ’e gaten.

Yn Fryslân besteane trije kollektiven dêr’t jo jo by oanslute kinne. Dat binne:

• De Unie van Bosgroepen Noord-Oost Nederland
• Natuurcollectief Fryslân
• Noardlike Fryske Wâlden

Op ’e websiden fan dy natuerkollektiven is mear ynformaasje oer it kollektyf te finen en hoe’t jo jo dêr by oanslute kinne.

Sertifisearje foar natuerbehear

Betingst om foar natuerbehearsubsydzje yn ’e beneaming te kommen, is dat jo sertifisearre binne om it natuerbehear op jo lân út te fieren. Mei de sertifisearring boarget de provinsje de kwaliteit fan it natuerbehear. Der binne twa wizen dêr’t jo jo op sertifisearje kinne:

• Jo slute jo oan by in sertifisearre natuerkollektyf. Jo hoege dan sels gjin sertifikaat oan te freegjen. Dat kin by de  Unie van Bosgroepen en Noardlike Fryske Wâlden.
• Jo slute jo oan by Natuurcollectief Fryslân
• en soargje derfoar, dat jo sels sertifisearre binne. It kollektyf stipet jo by it sertifisearjen û.o. trochdat jo it model kwaliteitshânboek fan Part-Ner brûke kinne.

Type natuerbehear kontrolearje

Wy freegje jo om te kontrolearjen oft it natuerbeheartype en it ambysjetype fan jo lân yn ús administraasje doocht. Jo kinne ús dat witte litte troch de kaart te kontrolearjen en it formulier op dizze side yn te foljen.

Formulier ynfoljen